A muitos lectors les sonará o que se cuenta en este libro. Ye a vida d´un tión, tío Chuaquín, un hombre bueno, cabal y treballador; un hombre que viste de calzón y sombrero de Sastago, y que, ya gran, ha de baxar a vivir ta Uesca, chunto con a suya familia, en os años cincuanta d´o sieglo pasau Pero Tío Chuaquín ye, más que más, una desincusa que l´autor, José María Javierre, utiliza pa contar-nos con un siñalín d´humor a historia que les tocó de vivir a muitos altoaragoneses: a d´abandonar casa suya pa ir-se-ne a vivir enta a ciudat y empecipiar una nueva vida. Libro costumbrista, que no pas de costumbres, por aquí pasan fainas d´o campo, matacías, chuegos de ninos, curas y fiestas. Y ye un excelent retrato d´una epoca, dura y aspra, pero tamién d´ilusions y cambios, en una comarca de l ´Alto Aragón, A Guarguera, que quedó practicament sin chent a resultas d´a despoblación.
